Հարգելի ընթերցող, բարի գալուստ ՍԴՀԿ <<Սարգիս Տխրունի>> ուսանողական-երիտասարդական միության կայքէջ

Սոցիալ Դեմոկրատ Հնչակյան կուսակցության <<Սարգիս Տխրունի>> ուսանողական-երիտասարդական միությունը հիմնադրվել է 2006 թ.-ի սեպտեմբերի 21-ին` Եռաբլուրում երդում տալով Հնչակյան անմար հերոս Վաչագանի (Վաչիկ Հարությունյան) շիրմին: Հայաստանի <<Սարգիս Տխրունի>> ուսանողական-երիտասարդական միությունը Հայաստանի ամենաակտիվ երիտասարդական կազմակերպություններից է, որի գործունեության հիմնական նպատակներն են Մայր Հայրենիքում` երիտասարդների շրջանում, տարածել Հնչակյան գաղափարախոսությունը , ակտիվացնել նոր սերնդին և նրա ուշադրությունը հրավիրել Ազգի և Հայրենիքի առջև ծառացած բազում խնդիրներին: Մենք հետապնդում և բարձրաձայնում ենք այն խնդիրները, որը հետաքրքրում է հենց Քեզ: Ուսանողների սոցիալական և կրթական իրավունքների պաշտպանություն, կոռուպցիա, ազգային-հայրենասիրական դաստիարակչական աշխատանք, մարդու իրավունքներ… Մենք այնտեղ ենք, որտեղ Դու ես` ՀՀ երիտասարդ քաղաքացին: Այս կայքում դու կարող ես գտնել մեր գործունեության, իրագործած ծրագրերի, մեր քույր և գաղափարակից կառույցների մասին հետաքրքիր տեղեկատվություն: Այցելիր մեզ և կիմանաս օրվա ամենահետաքրքիր և կարևոր իրադարձությունները: ՍԴՀԿ <<Սարգիս Տխրունի>> ուսանողական-երիտասարդական միության վարչություն